Ikipe y'igihugu y'Amagare y'u Rwanda intego ni umudari muri shampiyona y'Afurika igiye kubera mu Misiri

Ikipe y'igihugu y'amagare iri muri Egypte
Category: 
Province / District: 
Tags: 

Kuri ubu Abakinnyi 14 b'ikipe y'igihugu yo gusiganwa ku magare yageze mu gihugu cya Misiri, aho igiye guhatana mu irushanwa rya Shampiyona y'Afurika yo gusiganwa ku magare igomba gutangira kuri uyu wa kabiri.

Mbere y'uko bahaguruka i Kigali tariki 28/02/2021, Kapiteni w'iyi kipe Hareruya Joseph yasezeranyije abanyarwanda kwitwara neza bakazana umudari.

Kuri iki cyumweru iyi kipe aho iri mu gihugu cya Misiri yitoreje mu mihanda iri mu gace ka Giza, izakinirwamo shampiyona y'Afurika y'Amagare ku nshuro ya 15.

Kuri uyu wa mbere ni bwo ishyirahamwe ry'umukino w'amagare (FERWACY) ryemeje ku mugaragaro Umutoza SEMPOMA Felix nk'umutoza w'ikipe y'igihugu, akaba agomba kuyitoza mu mezi atanu ari imbere.

Inshuro nyinshi uyu mutoza yagiye asohokana iyi kipe bagiye bazana imidari n'ibikombe mu marushanwa mpuzamahanga, harimo “Tour du Cameroun” begukanye, Tropical Hamissa Bongo na yo barayegukanye, n'andi menshi… Ikindi abantu bamenya ni uko, ku nshuro ya mbere abanyarwanda bitabira irushanwa rya Shampiyona y'Afurika y'amagare muri 2015 u Rwanda rwazanye imidari. None kuva icyo gihe kugeza ubu ntibasiba kuzana imidari.

Kuri uyu wa kabiri ari nawo munsi wa mbere w'irushanwa bazatangirira gusiganwa agace ko gusiganwa n'igihe hagendewe ku minota, ibizwi nka Time trier cg course contre la montre mu ndimi z'amahanga.

Amakuru kuri iri rushanwa urungano.com izakomeza kujya ibagezaho uko rigenda n’uko abanyarwanda nk'imwe mu makipe ahabwa amahirwe yo kuryegukana bazagenda bitwara.

Ubwanditsi  

Back to Top