Inkingo 10 za Corona virus zigeze mu kiciro cy’igeragezwa mu 120 ziri gukorwaho ubushakashatsi ku isi

Covid-19
Category: 
Province / District: 

London School of Hygiene and Tropical Medicine, ni ishuri ryigisha iby'ubuzima mu gihugu cy'u Bwongereza rigaragaza ko hirya no hino ku Isi bimwe mu bigo bikomeye bikomeje gushaka umuti n’urukingo by’indwara ya Covid 19, hakaba hari inkingo 120 zatangiye gukorwaho ubushakashatsi, mu gihe izigera ku 10 muri zo zigeze mu kiciro cy’igeragezwa.

Mu gihugu cy’u Bushinwa muri Hong Kong bo bageze kure mu gushaka urukingo rwa COVID-19 kuko batangiye ikiciro cya kabiri cyo kugeragereza urukingo ku bantu benshi.

Ishami ry’Umuryango w’Abibumbye ryita ku Buzima (OMS) riherutse gutangaza ko urukingo rushobora kuboneka hagati y’amezi 12 na 18 bivuze ngo mu mpera za 2020 cg hagati mu mwaka wa 2021.

Kugeza ubu abantu banduye Corona virus mu Rwanda bamaze kuba 225, abamaze gukira ni 98 nta n’umwe wari wicwa na yo. Naho ku Isi abamaze kwandura icyorezo cya Corona virus ni miliyoni 3,19, abamaze kuyikira ni ibihumbi 973 naho abo imaze kwica ni ibihumbi 228.

KAMBALE Patrick

Back to Top