NAMIBIYA: Abanyeshuri barenga 300 banduye coronavirus kuva amashuri yakongera gufungurwa.

Category: 
Province / District: 
Tags: 

Bbc ivuga ko Minisitiri w'ubuzima muri Namibiya Kalumbi Shangula yavuze ko amabwiriza yo kwirinda agomba kubahirizwa kugira ngo bahagarike ikwirakwira ry'iyi virus cyane ahegereye hegeranye nko ku mashuri.
Ibinyamakuru byaho bivuga ko iki cyorezo cyibasiye ishuri rimwe mu gace kitwa Oshikoto ahabonetse umubare munini w'abanyeshuri banduye.
Nkuko bitangazwa na Bbc, Namibia yafunze amashuri mu kwezi kwa gatatu kubera iki cyorezo, iyafungura mu kwezi kwa gatandatu, ubwo abategetsi bavugaga ko abantu batakiri kwanduzanya imbere mu gihugu.
Abarimu bose n'abanyeshuri bari bategetswe kwambara udupfukamunwa buri gihe mu kwirinda iyi virusi. Abakuriye amashuri nabo bari basabwe gutegeka isuku ishoboka mu mashuri.
Namibia kugeza ubu imaze gutangaza abantu 11,373 banduye coronavirus na 123 yishe.

Ubwanditsi 

Back to Top