NIGERIA : Inteko ishingamategeko yo muri leta ya Kaduna yemeje gucyeba udusabo tw'intanga ngabo, nk'igihano kubafashe abagore ku Ngufu.

Category: 
Province / District: 
Tags: 

Muri leta ya Kaduna iri mu majyaruguru ashyira uburengerazuba bw'igihugu cya Nigeria, Inteko ishingamategeko yaho yemeje gukoresha ibyuma byo kwa muganga mu gucyeba udusabo tw'intanga ngabo nk'igihano ku bahamijwe n'inkiko icyaha cyo gufata abagore ku ngufu.
Nkuko n'ikinyamakuru BBC ivuga ko Hafsat Baba, komiseri ushinzwe abagore n'iterambere ry'umuryango muri iyi leta ya Kaduna, yavuze ko icyo cyemezo ari "inkuru nziza".
Byitezwe ko ubu Nasir Ahmad el-Rufai, Guverineri wa leta ya Kaduna, agiye gushyira umukono kuri uwo mushinga w'itegeko kugira ngo uhinduke itegeko muri iyo leta.
Mu kwezi kwa gatandatu uyu mwaka, ba guverineri ba leta zigize Nigeria batangaje ibihe bidasanzwe mu gihugu kubera gufata abagore ku ngufu n'ibindi bikorwa by'urugomo byibasira abagore n'abana.
Umubare w'imanza z'abacyekwaho gufata abagore ku ngufu uracyari ku kigero cyo hasi, ndetse ipfunwe akenshi rituma abagore bafashwe ku ngufu babiceceka.

Ubwanditsi 

 

Back to Top